Folk Songs

    शेरदा भा्ल छा

    Read This Article in Hindi/ English/ Kumauni/ Garwali

    ओ हो शेरदा!

    भा्ल छा हो शेरदा! भा्ल छा ?
    अरे यार क्याप कूनी
    ज्या्ड़ज्यू बोलि जै के मानी
    कमरै टोड़नी!



    भाँटि खुजिगे
    गाँठि खुजिगे
    जाँठि टुटिगे
    के रै गो पा्लम
    जसि लागि-भिजि रै हो
    वीकैं छु मालम!



    सुणिबेर झसक नैं
    संाचि छु, फसक नैं
    बखता्क चसैक
    मारनई फचैक!



    पेटन भूक ब्यै रै

    तौलि टोटिल है रै
    जेब नाड़ड़ि है रै
    चेलि सयाणि है रै
    गाणि माणि है रै
    खाणि है रै छौ ?
    नि खाणि है रै !



    बजारौक तोल देखनौछा ?
    आज हैं भोल देखनौछ ?
    दिन रात तौई रयूँ
    पागलों चार बोईं रयूँ!



    खुटौक् तौ्व घिसिगौ
    कन्यून - कन्यूनै?
    मुनौव घिसिगौ!



    डिग्री डुबि रै पीड़ में
    पीड़ लाखों भीड़ में
    भुकां हैतीं आओ कुनई
    जे ल्यैरौछा ल्याओ कुनई!



    बेशर्मोंक आंखै न्हैतिन
    शरम कांबै नाखै न्हैतिन!



    बखतैकि कहाणि देखो
    खून भितेर पाणि देखो
    यो असली च्याल् देखो
    च्याल भितेर पुतक्या्ल देखो!



    चारों बाट यौ लाचारी
    बेरोजगारी महामारी
    महंगाई कमाल हैगे
    मोटैबेर दोखाल हैगे!



    गौं-गाड़ यौ हाहाकार
    बन्दूक दिखूनौ थोकदार
    भिक्षा माडला खबरदार
    शिक्षा माडला खबरदार!



    धैं धैं कुनै उमर कटी
    आई उसै उसै आज,
    इमाना ख्वार टोपि नि रै
    बेमाना ख्वार ताजै ताज
    जकैं ग्वा्व गुसैं बणा
    वी निकवौ जल्लाद!



    नि देखनया
    नि चितूनया
    निरजियौक राज!



    के का्ण छा ?
    के का्ल छा ?
    कसिक कौ तुमूल
    शेरदा भा्ल छा ?

    Related Article

    Aa Ha Re Sabha

    Dvi Dinak Dyar

    Leave A Comment ?

    Popular Articles

    हमरो कुमाऊँ - Humro Kumaon

    432

    घुघुती बासुती - Ghughuti Basuti

    379

    भूली निजान आपुण देश - Bhooli Nijan Apun Desh

    367

    उड़ कूची मुड़ कुचि - Ud Koochi Mudh Kuchi

    341

    अटकन बटकन दही - Atkan Batkan Dahi

    338

    बेडू पाको बारमासा - Bedu Pako Baramasa

    298

    भली तेरी जन्म भूमि - Bhali Teri Janmbhoomi

    265

    Yatra

    173

    Humra Pahadu Ki Nari

    147

    Keisha Ho School Humara

    142

    Also Know

    He merii aankhyun kaa ratan

    123

    Dvi Dinak Dyar

    116

    Aa Ha Re Sabha

    126

    Dagadoo ni Raiaoo Sadaani Dagadyaa

    119

    Daaliyon Naa Kaataa

    103

    भली तेरी जन्म भूमि - Bhali Teri Janmbhoomi

    265

    Humra Pahadu Ki Nari

    147

    Yatra

    173

    Keisha Ho School Humara

    142

    Deharaadoon Vaalaa Hoon

    123