Folk Songs


    बीरू भडू कु देश बावन गडू कु देश

    बीरू भडू कु देश बावन गडू कु देश
    जय जय बद्री केदार गड़ भूमि गड़ नरेश
    बीरू भडू कु देश बावन गढ़ ऊ कु देश
    जय जय बद्री केदार गड़ भूमि गढ़

    ल्वे गढ़ बडियार गड़ लोदन भरदार गढ़
    गढ़ ऊ का गड्पति ह्वेनी बड़ा बड़ा सरदार भड़
    तोपगढ़ का तोपाल चौंडा गढ़ का चौंडयाल
    चाँद पुर गढ़ नरेश महाराजा कनकपाल
    तालू भंडार रणु रौत इना भड़ ह्वेनी
    मुंडू का चौंरा चिंणी अर ल्वे का गत रिन्गैनी

    बीरू भडू कु देश बावन गढ़ ऊ कु देश
    जय जय बद्री केदार हो ओ ओ ओ ओ ओ ओ......।

    चाँद पुर गढ़ फल्यांन बधाणु कु गढ़ बधाण
    कुंजडी भरपूर गढ़ क्विली गढ़ का सजवाण
    मौल्या अर रै का गढ़ का गड्पति रमोला ह्वेनी
    माधो लो धीर खोला घोटांत जीती की लैनी
    भुप्पूगढ़ को जवान धन रे पप्पू चौहान
    कटी भी सिर नि झुकी कनु रै होलू स्वाभिमान
    बीरू भडू कु देश बावन गढ़ ऊ कु देश
    जय जय बद्री केदार हो ओ ओ ओ ओ ओ ओ......।

    कंडार्युं कु गढ़ कंडार नेगी लोहाब गढ़
    संगेला गढ़ई का बिष्ट अश्वालू को माब गढ़
    बगडी रवाँइ गढ़ नाला अर जोंट गढ़
    मुंगरा हिंदाव गढ़ कांडा का रौत गढ़
    तीलू रौन्तेली वीर बाला तेरु क्या बोन सांस
    उम्टा अर खैर गढ़ का कत्युरीयू कु कई बिनास
    बीरू भडू कु देश बावन गढ़ ऊ कु देश
    जय जय बद्री केदार हो ओ ओ ओ ओ ओ ओ......।

    ईडिया एरासु गढ़ गढ़तांगढ़ कोट गढ़
    साबली नवासु गढ़ बनगढ़ चौन्दकोट गढ़
    गुजरू मासुर गढ़ रमी बदलपुर गढ़
    जय देवी उल्खा गढ़ भैंरो लंगूर गढ़
    जुग जुग तक रालू याद सुमाडी को पन्थ्य दादा
    जीतू बग्द्वाल पुरिया नैथाणी बीर गाथा
    बीरू भडू कु देश बावन गडू कु देश
    जय जय बद्री केदार हो ओ ओ ओ ओ ओ ओ.......।

    अज्मिरी गढ़ का चौहान नयालू को गढ़ नयाल
    हिम्सरी हाट को माल मालू मा गढ़ सुम्याल
    देवल गढ़ राणी गढ़ सांकर गढ़ कोली गढ़
    भुब्ना सिर गुरु गढ़ बांगर दसोली गढ़
    जग दे पंवार गढ़ भूमि की ह्वाई सान
    शीश काटी की जैन देवतों तै दयेइ दान
    बीरू भडू कु देश बावन गडू कु देश
    जय जय बद्री केदार हो ओ ओ ओ ओ ओ ओ......।

    बीरू भडू कु देश बावन गडू कु देश
    जय जय बद्री केदार हो ओ ओ ओ ओ ओ ओ.....।

    Leave A Comment ?

    Popular Articles

    Also Know

    Garena Free Fire APK Mini Militia APK Download