Folk Songs

    आस दिनै रे

    Read This Article in Hindi/ English/ Kumauni/ Garwali

    नाई-सुप-माण नै, एक गास दिनै रै।
    भाई को भरौस होल, तू आस दिनै रै।

     जनम माङणै रै जाँ भाग में जै र्वट नि भयो,
     कैक दिईयल कांलै भरी करम में जै ट्वट भयो।
     फिरि लै कमर बादनी हरसै-हरस मैंस,
     उमर जै गुजारि दिनी भरौसै भरौस मैंस।

    मैं लै दिन काटि ल्यूंल शाबास कूनै रै।
    भाई को भरौस होल, तू आस दिनै रै।

     टिटरी जो लेख पड़ै लेख कैकी नि हरीन,
     सुख में लै डुबै दिछै मन फिरि लै नि भरीन।
     दुख में जीवन डुबलो ज्ञान बै लै ज्ञान फुटल,
     भिनेर में सुन तपलो सुन बै लै सुन छुटल।

    मैं बटाव बणुल तु बास दिनै रै।
    भाई को भरोस होल तू आस दिनै रै।

     तू सुखलै जै नवै देली मैं सुखै में मरि रूंल,
     मनखियकि धरती में द्याप्त जौ बणि रूंल।
     यो दुनी में ऐभेर लै मैं दुनी कैं के जाणुल?
     जो मनखियै पीड़ छू उ पीड़ कसी पछ्याणुल?

    मैं दुख ठेलुंल तू शाबास कूनै रै।
    भाई को भरौस होल तू आस दिनै रै।

     पुरूषों भाग माजी दुख सुख ऊनै रूनी,
     तराजुक पाल छन जो तलि मलि हुनै रूनी।
     जो दुखलै बुणी रूनई उलैकी मनखियै छन,
     जो आँसूकि आँचुइ पिनई उलैकी मनखियै छन।।

    मैं काटुंल उकाव तू साहस दिनै रै।
    भाई को भरोस होल तू आस दिनै रै।

     आसै ल्हि बेर सूरज लैकी सदियों बै जलना,
     आसै ल्हि बेर मनखी लैकी दिन रात चलना।
     आसै ल्हि बेर पराणि ऊनै आसै ल्हि बेर चलनै,
     रोज मनखी चित लगूना रोज पराणि जनम ल्हिनै।।

    यो अमर आस में, मिठास दिनै रै।
    नाई-सुप-माण नै, एक गास दिनै रै।
    भाई को भरौस होल, तू आस दिनै रै।

    Related Article

    Aa Ha Re Sabha

    Sherda Bhal Cha

    Dvi Dinak Dyar

    Paaravatee Ko Maitudaa Desh

    Ijukee naraa_ii laagaili

    Jag Chhu Yau Paraai Sherova

    Kargilak Shaheed Javaan

    Leave A Comment ?

    Popular Articles

    घुघुती बासुती - Ghughuti Basuti

    हमरो कुमाऊँ - Humro Kumaon

    बेडू पाको बारमासा - Bedu Pako Baramasa

    926

    भूली निजान आपुण देश - Bhooli Nijan Apun Desh

    903

    अटकन बटकन दही - Atkan Batkan Dahi

    887

    उड़ कूची मुड़ कुचि - Ud Koochi Mudh Kuchi

    856

    भली तेरी जन्म भूमि - Bhali Teri Janmbhoomi

    675

    Aa Ha Re Sabha

    633

    Keisha Ho School Humara

    619

    Yatra

    603

    Also Know

    Shiv Ke Man Maahi

    276

    Jal Kaise Bharoon Jamunaa Gaharee

    121

    Devadaar ab utane kahaan

    56

    Dagadoo ni Raiaoo Sadaani Dagadyaa

    476

    Aaj Himaal Tuman Ke Dhatyoonchhau

    98

    Siddhi Ko Daataa Vighn Vinaashan

    106

    Yah rng chunaavee rng thairaa

    186

    Sun Le Dagariya

    312

    भूली निजान आपुण देश - Bhooli Nijan Apun Desh

    903

    Rritu Geet - Chaitr

    175